اولسایــــدیم اگر بیر هیـــــکل تـراش

مرمردن یونـاردیم هیـــــــکلین سنیـن

مین سرویــــــن قـــــــدینین استقامتین

خلاصه ائـــــــده ردیــــم رعنـا قدینه

دنیانیـــــــــن مارالین بیر یئره یئغیب

باخیشین وئـــــرمـــزدیم باخیشلاریـنا

آرشین کمانیــــن امــــــانت آلاردیـــم

قاشلارین یایی نی اونــــا اوخــشادام

کیپریگــــــــین آرشین اوخو تک آتام

عشقیمین بیر حدیـــــــــن معین ائده م

قیزیل گول آچانـــــــدا اونون رنگینی

وئرردیـــــــم،اؤزونــــــه،دوداقلارینا

دنیانین ان گــــؤزه ل دویغـــولارینی

وئرردیم کــــونلونه،کـووره ک قلبینه

داغلارین عطیرلی، لطـــیف هواسین

وئــــرردیــم چکـــدیگیم نفــس لـرینه

قـــوشلاریـــن فسـونـــکار نغمه لرین

 وئـــرردیـم دئـــدیگین لای-لای سینه

پـــولاد تـــک سینـــه ده،بلور اؤرگین

تــــوکنمز شفقتین حقــــــینده، اگــــــر

یازیلیب مین کتــــاب،مینلرجه داستان

وصــــــــفینی اؤده مـز شأنینه لایـــق

واردیـسا بــــیر کلـــمه اودا " آنا "

ا-آلاو

ایستـــــــه دیم تا کی دادام ذره محبــــــت لرینــــی

سن محبت بولاغین گؤرنه بولاندیـــــــردین آنـــــا

باغلامیشدین اوره گــــــــــیم وارلــــیقا امیدیله سن

تار اومیدی قیریب جاندان اوساندیـــــردین آنـــــــا

اللــــــرین چالـــدی قابار، قاش قاباق ائتمک یئرینه

سن «گولوش لاله» سینی مهریله، یاندیردین آنـــــا

سن چکـــــن غــــم داغینی داغ گؤتومزدی بیلیره م

بیزه چکمک له امــــک، وارلیغی قاندیردین آنــــــا

محمد حسن حیدری

گـــــئجه گؤردوم یوخودا شهر چراغــــــان اولدو

گـــــــؤردوگوم یــــــــئر،نظریمده یئکه میدان اولدو

گؤرمــــــه میشدیم من او میدانی باخیردیم،بیردن

آنامـــــــــین قامــــــتی میــــــــداندا نمایـــــان اولدو

نئــــچه ایلدن سورا گؤرسندی، ایشقلاندی گؤزوم

یــــــئتیشیب روحــــــو، منیم روحوما مهمان اولدو

آنامـــــــــین روحـــــــو منیم روحومولا بیرلشدی

ائــــــله بیل بیر دانــــــــا جسمیمده ایکی جان اولدو

چوخ سئویندیم اونو گوردوم اوره گیم چــیرپیندی

والـــــــه اولـــدوم، اودا گؤرچک منی  شادان اولدو

دئـــــــدیم ای گـــؤزلریمین نورو آنا! هاردایدین؟

غــــــم هــــــــــجرینده اینان کی اوره گیم قان اولدو

اونـــدا کی سن واریـــــدین آنلامادیم قدریوی من

ســــــن گئـــــــده نــــدن سورا دنیا منه زندان اولدو

ده گـــؤروم توختـامیسان، ایندی یئرین راحتدیر؟

دوداغــــــی قاچـــــدی باشین توولادی خندان اولدو

گــــؤزلریـن تیکدی منـــــــه حســـرتیله آه چکیب

پـوزولـــــوب حالــــــــــــی قهرلندی، پریشان اولدو

دئــــــــدی: من راحــــــــتم! آمما نــگرانم سنده ن

ســــــؤزو آغـــزیندا ،دولوب گؤزلری گیریان اولدو

آغـــــلایا - آغــــــلایا  دؤنــــدو ابــــــدیت یولونا

یـــــولا دوشــــــــــدو او قدر گئتدی کی پنهان اولدو

قــــیشقرانـــدا: آنـــــا گئتمـــه منی یالقیز قویـــما!

هـــــاراییمدان،یــــــوخودان جمـــله هـــراسان اولدو

آییلاندان سورا گؤردوم کی گئدیب یوخــدور آنام

وصل رؤویـــــاسی قوتولـــــدو یئنه هــــــجران الدو

قبر ائـــــوینده اؤلـــــــولرده نــگران دیر بیزده ن

فلــــــــکین چــرخی چونوب گؤر نئجه دوران اولدو

منــــی دؤنیاده هئچ آرواد سئوه بیلمز آنــــــا تک

بیـــــر دانایـــــدی آنــــام، افســوس اودا بیجان اولدو

یادینا جمـــــــــعه گؤنـــو دوشدو«سخا»نین آناسی

بـــــاشلاییب بو غـــــــــــزلی یازدی غزلخوان اولدو

حمید «سخا» مهر تبریز

ای منیــــم حیاتیم، ای عزیز آنام

اوره ییم هر زمان آرزیلار سنی

محبت دنیـــــاسین یارادان تانری

ازلدن یاراتمـــــیش مهربان سنی.

                                                                          عیانی اسکو